النوم عن عـــيني وش اللي مجافيه

النوم عن عيني وش اللي مجافيه
............. ماكني الا صايرٍ لي مصيبه
الله يكافينا الزمان وبلاويه
..........لو ان دورات الليالي عجيبه
وقتٍ يشيبنا من اللي حصل فيه
............والله يعلم وش يخفي بغيبه
كم من رفيقٍ بالمعزه نخاويه
.........وطيبي يزيد ويعتلي فوق طيبه
ذا شكى اسمع له وإذا ضاق اسليه
...............ومافيه فرقٍ بين جيبي وجيبه
وإذا هقا مانيب اضيع هقاويه
.............. مانيب من ينسى لوازم صحيبه
على الوفا يقلط وبالعز اقهويه
..............وإذا بدا عيبه أنا ستر عيبه
رضا خويي مثل فرضٍ أصليه
.............واعامله مثل المريض وطبيبه
وإذا طلبني حاجتٍ لازم اعطيه
.............هذا عوايدنا قبيلة عتيبه
ومن غير قاصر فالرجال المشاريه
..............كل القبايل طيبهم ينحكي به
وكم من خويٍ بار بي في تواليه
............. يعني سواتك انت ماهي غريبه
ولانيب من يلحقك لوم ومشاريه
..............( هذي موده ــ ماتجي بالغصيبه)
لاكن في قلبي سؤال مخفيه
.............ولا انته بمجبورٍ على انك تجيبه
وشلون من يشريك برخيص بعتيه ؟؟؟؟؟؟.............أو يمكن انه مافهم وش تبي به
ماهو عجم لامن شبعتي ...... رميتيه
......................ولاهو بـ لعبه فالطفش تلعبي به
هذا بشر ... قدام عينك وشوفيه
................. واذا سليتي عنه ....... ( ماهي مصيبه)
ان كان عندك عذر أرجوك قوليه
.............................العذر حق ولازمٍ ينعني به
وان كان عذرك ماصدق في معانيه
.................... خليه .., لان الكذب ماينحكي به

الله يعطيك العافيه وصراحه ذوووق

الله يعافيكي الحلاكله الذووووق انتي

يعافيك ربي اسايرها الذوق منك وفيك يا كنق

تقبلوووو مروري

يعطـــــــــــــيك الف عافيه